Ус цаг уур орчны шинжилгээний газраас энэ сарын 18-нд баруун болон төвийн нутгийн хойд хэсгээр,19-нд зүүн зүгийн нутгаар бага зэргийн цас орж, цасан шуурга шуурна гэж мэдээлэв. Салхи 16,17-нд Алтайн уулс, Арц богдын өвөр хоолойгоор, 18,19-нд зарим газраар секундэд түр зуур 16-18 метр хүрч ширүүснэ. Хугацааны эхэн болон эцсээр хүйтэн байх боловч бусад хугацаанд хүйтний эрч суларч, Увс нуурын болон Дархадын хотгор, Идэр, Тэс, Буянт, Ерөө, Халх голын сав газраар шөнөдөө 32-37 градус, өдөртөө 20-25 градус хүрнэ. Хараа, Орхон-Сэлэнгэ, Туул, Тэрэлж, Хэрлэн, Онон, Улз голын сав газраар шөнөдөө 26-31 градус, өдөртөө 16-21 градус, говийн бүсийн өмнөд хэсгээр шөнөдөө 10-15 градус, өдөртөө 0-5 градус, бусад нутгаар шөнөдөө 19-24 градус, өдөртөө 8-13 градус хүйтэн байна.