“Материал импекс” ХХК-ийн гаалийн хяналтын бүсэд буулгасан автомашин ачсан чингэлэгт “Тоз-8” маркийн /калибр/ бууны 9350 ширхэг сум нуусан байжээ. Үүнийг Нийслэлийн гаалийн газрын улсын байцаагчид илрүүлэв. АНУ-аас илгээсэн автомашинд нь байсан цүнхний ёроолд, гутлын түрий, хувцасны халаасанд дээрх сумыг нуусан байсан гэнэ. Одоогоор энэхүү хэргийг Гаалийн ерөнхий газар болон хуулийн байгууллагууд  хамтран шалгаж эхэлжээ.