Ерөнхийлөгч асан Н.Энхбаярыг албадан баривчлах үед төрийн түшээ асан Ц.Шинэбаяр хуулийн байгууллагынханд салаавч өгч даналзсан. Түүний энэхүү үйлдэл тухайн үедээ л олныг цочроосон юм. Олны итгэлийг хүлээн төр түшилцэн суугаа эрхэм хүн эрхийгээ гозолзуулан, шүлсээ үсчүүлэн суух нь шүү дээ. Тэгвэл түүний энэ үйлдэлд тохирох ял зэмийг шүүхээс оноолоо. Өөрөөр хэлбэл, эрхийгээ гозолзуулбал ингэдэг юм хэмээн нэг жилийн тэнсэн харгалзах ял өгсөн байна. Тэгэхээр цаашид хэн ч бай эрхийгээ гаргахдаа анхаарах шаардлагатай болж байх шиг. Магадгүй та бид хэн нэгэнтэй ам зөрөөд дээрхтэй адил үйлдэл хийчихвэл шүүхийн хаалга татаж болзошгүй нь.
Ер нь, салаавч гаргасан нэгэнд нэг жилийн тэнсэн харгалзах ял оноож байгаа бол шанаа өгсөнд нь хэдэн жил төлөвлөх вэ гэсэн асуулт ч урган гарч байна. Ийнхүү хэлэхийн учир нь, аль нэг айлд биш, төрийн ордонд, хууль тогтоох танхимын үүдэнд ангийн анддаа ухамсрын шанаа өгсөн хүнийг яах вэ. Мөн хууль тогтоон суухдаа салаав өгч байгааг нь ч зэмлэж, хариуцлага тооцох ёстой мэт.