Хүний эрхийн үндэсний комиссоос МАХН-ын байранд өлсгөлөн зарлаж буй эхчүүдэд өчигдөр зөвлөмж хүргүүллээ. Эхчүүдэд хандсан эл зөвлөмжид “Эрүүл мэнд, амь насанд нөхөж баршгүй хор уршиг, үр дагавар дагуулах эрсдэлтэй шийдвэрээ эргэн харж, өлсгөлөнгөө зогсоохыг зөвлөж байна” гэсэн байв.   
Монгол Улсын нэгдэн орсон олон улсын гэрээ болон Үндсэн хууль, бусад хуульд зааснаар Монгол Улсын иргэн тодорхой ашиг сонирхол, үзэл бодлын үүднээс сайн дураараа эвлэлдэн нэгдэх, үзэл бодлоо чөлөөтэй илэрхийлэх эрхтэй. Энэ эрхээ эдлэхдээ ямар нэг шаардлага, эсэргүүцэл, хүсэл зоригоо илэрхийлэх арга хэлбэрээ зөвхөн өлсгөлөнгөөр хязгаарлахгүйгээр сонгох боломжтой гэдгийг ч өлсгөлөн зарлагчдад сануулжээ.
Эхчүүд МАХН-ын дарга Н.Энхбаярыг хэлмэгдүүлэхээ зогсоо, эмнэлэгт эмчлүүлэх боломжоор ханга гэсэн шаардлага тавьж, өнгөрсөн долоо хоногт нойтон өлсгөлөн зарлаж эхэлсэн юм.