Хотын дарга Э.Бат-Үүл баруун гар талдаа жолооны хүрдтэй машиныг нүд үзүүрлэх болсон. Ажил хийх болгондоо ард иргэдээсээ асууна гэж хэлсэн ёсоор баруун гар талдаа жолооны хүрдтэй машиныг ням гаригт хөдөлгөөнд оролцуулахгүй байх эсэхийг иргэдээс асуусан. Гэсэн ч иргэдийн 75 хувь нь хотын мэрийн санаачлагыг дэмжээгүй. Гэвч Баатар дарга дахин үүнийг иргэдээсээ асууж, буруу талдаа жолооны хүрдтэй машины хөдөлгөөнийг долоо хоногт хоёр хязгаарлахаар улайрч байгаа юм. Харин үүнийг Монгол Улсын Ерөнхийлөгч Ц.Элбэгдорж эсэргүүцэж байгаагаа өнөөдөр Засгийн газрын хуралдаанд хэллээ. Тэрээр хотын дарга Э.Бат-Үүлд хандаж, “Юун буруу жолоотой машин бэ? Иргэдээс нэг удаа асуулаа, 75 хувь нь үгүй гээд байхад яагаад дахин дахин асуух гээд байгаа юм. Хилээр орж ирэх машины тухай ярихаас нэгэнт орж ирээд явж байгаа машиныг хязгаарлах хэрэггүй. Энэ бол хүний эрх, энэ эрхийг засварлаж зааварлах эрх та нарт байхгүй. Дарга нараас өмнө хүний эрх гэж байсан юм” хэмээн түүнийг бангадав.
Хотын даргын хувьд иргэдээс авах дахин санал асуулгыг маргааш явуулахаар зэхэж байгаа юм.