УИХ-ын Байгаль орчин, хүнс хөдөө аж ахуйн байнгын хорооны хуралдаанд Зам тээврийн сайд А.Гансүх хаалттай мэдээлэл хийж байна. Түүний хувьд “Богдхан” төмөр замын төслийн талаар УИХ-ын гишүүдэд мэдээлэл өгч байгаа юм.
Энэ төслийн тухайд албаны хүмүүсийн ярьж байгаагаар Улаанбаатар хотын дундаар дайрч гардаг олон улсын төмөр замын чиглэлийг л Богд уулын урдуур барих гэнэ. Ингэснээр нийслэл дундуур олон улсын ачаа бараа, аюултай, тэсэрч дэлбэрэх бараа бүтээгдэхүүн дайран өнгөхгүй болох юм байна. Тэрчлэн хэдэн арван минутаар зам хааж, замын түгжрэл үүсгэхгүй байх боломжтой болно гэлээ.