Ялтан Н.Энхбаярын асуудлаас үүдэн Засгийн газрын гишүүд хууль зөрчиж, ашиг сонирхлын зөрчлөө илэрхийлж эхэлсэн. Тухайлбал, Эрүүл мэндийн сайд Н.Удвал ялтан Энхбаярт зориулж Сайд нарын гэгдэх клиникийн нэгдсэн хоёрдугаар эмнэлгийг шорон болгох шийдвэрийг дангаараа гаргаад буй. Тэгвэл энэ асуудалд Хууль зүйн сайд Х.Тэмүүжин байр сууриа илэрхийлж, Удвал сайдын хууль зөрчсөн эсэхийг тайлбарласан. Энэ асуудал МАХН-ын Ерөнхий  нарийн бичгийн дарга Г.Шийлэгдамба, “МАХН Шинэчлэлийн газрын нэг жигүүр нь болж байгаа. Тиймдээ ч Засгийн газрын үйл ажиллагааг тасралтгүй яваасай гэж хүсч байна. Гэтэл зохион байгуулалттайгаар МАХН-аас Засгийн газарт байгаа гишүүдийг өдөн хатгах үйлдэл гаргаж байна. Тухайлбал, Шадар сайд Д.Тэрбишдагвыг ажлаа өг хэмээн шаардаж байсан. Тэгвэл Н.Удвал сайдын эрүүл мэндийн салбарт хийх шинэчлэлийн ажлыг Засгийн газрын гишүүд нь өөрсдөө эсэргүүцэж байна. Ажлыг нь сулруулах гэсэн оролдлого гаргалаа. Үүнд намын удирдлагуудын зүгээс хараад сууж болохгүй байна” гэлээ.