Төрийн нууцийн тухай хуулийг хэлэлцэх шатандаа явж байгаа. Гэтэл энэ хуулиар хүний эрхэнд халдлаа хэмээн парламентын сөрөг хүчин үзэж буйгаа илэрхийлсэн. Тэгвэл энэ хууль нь хүний эрхэнд халдсан зүйл биш гэдгийг Засгийн газрын хэрэг эрхлэх газрын дарга, Монгол Улсын сайд Ч.Сайханбилэг хэлэв. Энэ хууль нь газар зүйн зургийг ил болгох тусгасан. Тэгвэл энэ хуулиар газар зүйн зургаас нийтийн хэрэгцээний зургийг л ил болгох гэнэ. Өөрөөр хэлбэл, Улаанбаатар хотод хэн, хаана хэдий хэмжээний газар авсан гэх мэт нийтийн хэрэгцээний зургийг ил болгоно гэнэ. Ингэснээр газар зохион байгуулалттай холбоотой маргаан, хүнд суртал үгүй болно гэж хууль санаачлагчид үзжээ.
Мөн иргэний холбоотой мэдээллийг ил энэ хуулиар ил болгох аж. Ингэснээр нас барсан хүнийг амьд мэтээр бүртгэж сонгуульд оролцуулдаг, амьдралын баталгаажих түвшинээс дээгүүр амьдралтай хүнийг нэн ядуу амьдралтай мэтээр бүртгэдэг, нийгмийн халамжийг авдаг зэргийг цэгцлэх хэрэгтэй гэнэ. Тиймээс хувь хүний овог, нэрийг ил болгож, шаардлагатай тохиолдолд төрийн байгууллага нь хэрэглэдэг байхаар хуульд тусгажээ. Харин тусгай хэрэгцээний буюу улсын нууцад хамаарах зургийг ил болгохгүй гэв. Тухайлбал, батлах хамгаалалтын холбогдолтой, улсын стратегийн ач холбогдолтой зураг нь улсын нууцад хэвээрэй гэнэ.