Шинээр батлагдсан шүүхийн тухай багц хуулиудыг хэрэгжүүлэх  бэлтгэл ажлын хүрээнд Шүүхийн Ерөнхий зөвлөл болон Германы техник хамтын ажиллагааны нийгэмлэг, Нийслэлийн шүүхээс хамтран  шүүхийн захиргааны мэргэшсэн албан хаагчдад зориулсан тусгай сургалтыг 2013 оны 02 дугаар сарын 18-наас 22-ны өдрүүдэд  Нийслэлийн шүүхийн байранд зохион байгуулж байна.

Уг сургалтын зорилго нь шүүхийн захиргааны ажилтанг бэлтгэх, нийгмийн хөгжлийн чиг хандлагад нийцүүлэн давтан сургах явдал бөгөөд шүүхийн захиргааны удирдлага, хэргийн хөдөлгөөний менежмент, шүүхийн захиргааны ажилтны ёс зүй, харилцааны сэтгэл зүй, мэдээлэл технологи, олон нийттэй харилцах, албан хэрэг хөтлөлт зэрэг чиглэлээр явагдах юм.

Энэхүү сургалтад Нийслэл, дүүргийн шүүхийн шүүгчийн туслах, шүүх хуралдааны нарийн бичгийн дарга, мэргэжилтэн, мэдээлэл лавлагааны ажилтнууд хамрагдана.