“МАН-ын Шинэчлэлийн хороо”-ноос өчигдөр намын Бага хурлын гишүүдтэй ши­нэчлэлийн талаар зөв­лөлдөх уулзалт зохион бай­гууллаа. Тус хорооныхон “Нэгдсэн Монгол” гэх жигүүр байгуулах санаачилга гаргажээ. Намын дүрмээр бол  Бага хурлын гишүүдийн дөрөвний нэг нь зөвшөөрсөн тохиолдолд жигүүр байгуулж болох аж. Энэ дагуу тэд намын Бага хурлын гишүүдээс гарын үсэг цуглуулаад эхэлсэн байна. Өөрөөр хэлбэл, Бага хурлын 80 гишүүн гарын үсэг зурсан тохиолдолд МАН-ын дэргэд “Нэгдсэн Монгол” жигүүр байгуулагдах боломжтой бол­но.
Зөвлөлдөх уулзалтад за­рим аймаг, сумаас ч намын Бага чуулганы гишүүнээр сонгогдсон хүмүүс оролцож бай­на. Тэд МАН шинэчлэлээ тууш­тай хийх ёстой гэж үзэж буй аж. Түүнчлэн намын Их хурлаа Ерөнхийлөгчийн сонгуу­лийн дараа хийнэ гэсэн  Удирдах зөвлөлийнхөө шийд­вэрийг тэд эсэргүүцэж, шүүмжилж байгаа юм. Намын шинэчлэлийн талаархи зөвлөл­дөх уулзалт өнөөдөр ч үргэлжилнэ.