“Дайны эрсдэлийн сан” гэгчээр их хэмжээний мөнгө завшсан МИАТ-ийн хэрэгт Үндсэн хуулийн цэцийн гишүүн Д.Сугарыг шалгах шаардлагатай байгаа билээ. Түүнийг Төрийн өмчийн хорооны дарга байхад болсон уг хэрэгт холбоотой байж болзошгүй хэмээн шалгах шаардлага гарсан учир Улсын ерөнхий прокурорын газар ҮХЦ-д хүсэлт тавьсан юм. ҮХЦ нь есөн гишүүнтэй учир зөвлөгөөнөөрөө бүрэн эрхийн асуудлыг нь авч хэлэлцдэг.  ҮХЦ-ийн гишүүний халдашгүй бүрэн эрхийг Үндсэн хуулийн цэцийн тухай хуулиар баталгаажуулсан байдаг учир ямар нэг хэрэгт холбогдуулан шалгахаар бол заавал албан ёсоор түдгэлзүүлэх ёстой. Гэтэл ҮХЦ-ээс прокурорынхны хүсэлтэд Д.Сугарын бүрэн эрхийг түдгэлзүүлэх шаадлагагүй гэсэн хариу өгөөд байгаа. Харин УЕПГ-ынхан Цэцэд дахин бүрэн эрхийг нь түдгэлзүүлэхээр хүсэлт тавьж хандахаар болжээ. Энэ удаад мөрдөн байцаалтын нууцтай холбоотой холбогдох зарим мэдээллийг Цэцэд хүргүүлж, дахин хүсэлт тавих тухай мэдээлэл гарав. МИАТ-ийн хэрэгт Д.Сугар ямар холбоотойг уг мэдээлэлдээ тодорхой тусгах бололтой.