УИХ-ын Төрийн бай­гуулалтын байнгын хо­роо­ны ажлын хэсгийнхэн Ерөн­хийлөгчийн сонгуулийн тухай хуу­лийн хэрэгжилтийн явцтай танилцах ажлын хү­рээнд өчиг­дөр СЕХ-ны дар­гатай уулзлаа.

СЕХ-ны дарга Ч.Сод­номцэрэн сонгуулийн бэлтгэл ажлыг төлөвлөгөөний дагуу хуульд заасан хугацаанд нь ханган ажиллаж байгаа хэмээн танилцуулав. Түүний хэлснээр сонгуулийн төв байгууллага Ерөнхийлөгчийн сонгуулийн бэлтгэл ажлын хүрээнд төлөвлөгөө батлан ажиллаж байгаа юм. Ерөнхийлөгчийн болон автоматжуулалтын тухай хуульд зааснаар 42 журам, заавар, баримт бичгийн маягт, загварын төслийг  шинээр буюу шинэчлэн боловсруулж, батлуулахад бэлэн болгожээ. Түүнчлэн Ерөнхийлөгчийн сон­гуулийн зардлын дээд хэмжээ тог­тоосон шийдвэр гаргаж, үүндээ нэг нэр дэвшигчээс сон­гуульд зарцуу­лах зардлын дээд хэмжээг гурван тэрбум, нэг намаас сонгуульд зарцуулах дээд хэмжээг 5,1 тэрбум төгрөг байхаар тогтоосон билээ.

СЕХ-ны дарга Ч.Сод­ном­цэрэн “Энэ удаагийн Ерөн­хийлөгчийн сонгууль зохион бай­гуулахад зориулж төсөвт 17 тэрбум 209 сая төгрөг тусгаад байгаа. Энэ зардал хүрэл­цээтэй. Гэхдээ өмнөх сон­гуулиудын адил  хэмнэж ажил­лах болно” гэж онцлов.

Мөн улсын хэмжээнд Ерөнхийлөгчийн сонгуулийн 1896 хэсэг байгуулсан байна.
Ерөнхийлөгчийн сонгуульд ашиглагдах  санал авах, тоолох техник төхөөрөмжийн бэ­лэн байдал, найдвартай ажиллагаа, тэдгээрийн прог­раммч­­лалын нууцлалын аюул­гүй асуудал УИХ-ын ажлын хэсгийнхний анхаарлыг татаж  байв. Өмнөх сон­гуу­лиар  санал авах, тоо­лох техник төхөөрөмж ашиг­ла­сан нь дэвшил болс­ныг тэд тэмдэглэхийн сацуу тэд­гээр­тэй холбоотой  элдэв хардалт сэрдэлтийг арил­гах, итгэл үнэмшил бий бол­го­ход  анхаарч ажиллах шаард­лагатайг анхааруулсан юм.
СЕХ-ноос гадаад улсад байгаа монгол иргэдийн са­нал авах ажлыг зохион бай­гуу­лахаар Гадаад харил­цааны яам­тай хамтран ажиллаж бай­гаа аж. Түүнчлэн харааны бэрх­шээлтэй сонгогч­дыг санал өгөх болол­цоогоор хангах, сонгуультай холбоотой хууль тогтоомжийг хэвлэх, гадаад хэл дээр орчуулах зэрэг ажил хийж байна.