Хөнгөн цагааны үйлдвэрлэлээр дэлхийд тэргүүлэгч Оросын “UC RUSAL” компанийн толгой “En+ Group” Хятадын Шинхуа групп болон Хятадын Хөгжлийн банктай тохиролцоонд хүрч, Оросын зүүн хязгаар дахь нүүрсний орд газарт олборлолт хийхээр болжээ.  Оросын тэрбумтан Олег Дерипаскагийн эзэмшилд байдаг тус группийн мэдэгдсэнээр бол Хятадын Хөгжлийн банкнаас “En+ Group”, “Шинхуа” группийн Зүүн Сибирьт хамтран хэрэгжүүлэх гэж байгаа нүүрсний төслийг хоёр тэрбум хүртэл ам.доллараар санхүүжүүлэхээр болсон байна. Энэ санхүүжилтээр Оросын зүүн хязгаар дахь нүүрсний орд газарт нүүрсээ тээвэрлэн худалдах, дэд бүтцийг нь барьж байгуулан,  боомтын үйл ажиллагааг сайжруулах ажлуудыг хийх ажээ.