УИХ-ын эмэгтэй гишүүдийн бүлгээс Тамхины тухай хуулийг санаачилж, батлуулсан билээ. Өнгөрсөн сарын 1-нээс эхлэн хэрэгжүүлж эхэлсэн энэ хуульд олон хүн ам сайтай байгаа. УИХ-ын эмэгтэй гишүүдийн бүлэг ойрын хугацаанд хийхээр гурван ажил төлөвлөсөн тухай өчигдөр УИХ-ын гишүүн Г.Уянга твиттерт “жиргэв”. Эхнийх нь Тамхины тухай хуулийн хэрэгжилтэд мониторинг хийх. Ингэснээр хуулийн хэрэгжилтээ хянаж, болохгүй байгаа заалт байвал засах шаардлагатай гэж тэд үзжээ. Хоёр дахь ажил нь Архины эсрэг хуультай холбоотой гэнэ.
Эмэгтэй гишүүдийн бүлэг эл хуулийн төслийг татаж үзээд дахин боловсруулах ажлын хэсэг байгуулахаар болсон байна. Гуравт нь, тэд хүүхдийн томоохон эмнэлэгтэй болоход анхаарлаа хандуулж ажиллахаар болжээ.