УИХ-ын хаврын чуулган эхлэхэд гуравхан хоног үлдлээ. Хуралдаан зохион байгуулах комиссын гаргасан УИХ-ын гишүүдийн ирцийн мэдээнээс үзвэл, өчигдрийн байдлаар 66 нь ажилдаа ирсэн байв.
УИХ-ын гишүүн С.Баярцогт АНУ-д, УИХ-ын Ц.Оюунбаатар БНХАУ-д томилолттой явна. С.Баярцогт өнөөдөр ирэх бол Ц.Оюунбаатар чуулган эхлэхийн өмнөх өдөр Монголд газардах нь. УИХ-ын гишүүн Ж.Эрдэнэбилэг, О.Содбилэг нар Сэлэнгэ, Орхон аймагт буюу тойрогтоо ажиллаж байна. Тэд өнөө, маргаашдаа нийслэлд ирэх юм. УИХ-ын гишүүн М.Зоригт, Б.Наранхүү, Х.Болорчулуун нар чөлөөтэй, гадаадад яваа юм байна. Харин Су.Батболд гишүүн өвчтэй байгаа гэлээ.