Долоо хоног бүрийн баасан гарагт Шинэчлэлийн Засгийн газрын сайд нар “Өглөөний шинэ санаа” цахим уулзалтад оролцон иргэдтэй ярилцаж байгаа билээ. Засгийн газраас “11 11” төв байгуулж, иргэдийн санал хүсэлт, сонирхсон асуултад албаны хүн хариулдаг ч Засгийн газрын сайдууд өөрсдөө хариулт өгч, цахим хурал хийх нь илүү үр дүнтэй хэмээн үзэж байгаа аж. Энэ удаагийн цахим уулзалтад  Зам тээврийн сайд А.Гансүх оролцох юм байна. Тэрээр Засгийн газрын үйл ажиллагаа болон зам, тээврийн салбарт хийж буй ажлын талаар болон иргэдийн сонирхсон асуултад хариулт өгнө.  
Өмнө нь уг цахим уулзалтад Ерөнхий сайд Н.Алтанхуяг, ЗГХЭГ-ын дарга Монгол Улсын сайд Ч.Сайханбилэг, Эдийн засгийн хөгжлийн сайд Н.Батбаяр, Эрчим хүчний сайд М.Сономпил нар оролцож байсан юм.