МАН-аас санаачлан маргааш Сүхбаатарын талбайд тайван жагсаал зохион байгуулахаар болжээ. Тус намынхан хүний амьд явах, эрүүл аюулгүй орчинд амьдрах, өмчтэй байх зэрэг Үндсэн хуульд заалт зөрчигдөж байна гэж үзэн энэ жагсаалыг хийхээр төлөвлөсөн байна. Жагсаалд МАН-ын гишүүд дэмжигчид, Бага хурлын гишүүд, Хяналтын танхим, залуучууд, эмэгтэйчүүд, оюутны байгууллага болон ТББ-ууд оролцох гэнэ. Түүнчлэн тэд Засгийн газарт хандан үнийн өсөлтийг хязгаарлах, цахим хуудаст сэтгэгдэл бичих хоригийг цуцлах, хуулийн байгууллагууд хүний эрх зөрчиж буйг зогсоох, “100 мянган айл орон сууц хөтөлбөр”-ийг үргэлжлүүлэх, цалин хөлсний доод хэмжээ болон тэтгэвэр тэтгэмжийг нэмэх талаар шаардлага тавих юм байна.