УИХ-ын хаврын чуулган маргааш эхлэх бол үүнтэй зэрэгцэн МАН-ын “тэмцэгчид” Төрийн ордны хашааг гороолон жагсаал хийх гэнэ. Тэд Шинэчлэлийн Засгийн газрын тэргүүн Н.Алтанхуягийг суудлаас нь буулгах тактик боловсруулж, ордонд суух эрхтэй гишүүд нь гарын үсэг цуглуулж, гадуур жагсагчид нь уриа лоозонгоо барьж жагсаал хийн Төрийн ордны хаалгыг бүчиж, шахалт үзүүлэх аж. Гүйцэтгэх засаглалын тэргүүнийг огцруулах шалтаан нь Үндсэн хуулийг удаа дараа зөрчсөн, ард иргэдийн амьдрал туйлдаж, бараа бүтээгдэхүүний үнэ өссөн гэж үзэж байгаа аж.
Нэгэнт сүүдрийн Засгийн газар байгууллаа гэдгээ зарласан МАН-ынхан Засгийн газрыг огцруулах арга саамаа эртнээс хайсан бололтой.