Монгол Улсын Ерөнхий сайд Н.Алтанхуягийг өнгөрсөн долоо хоногийн бямба гаригт Засгийн газрын хуралдаан хийлгээд дараа нь Хэнтий аймгийн нутаг дахь Бурхан халдун ууланд гарахаар явсан гэж байна. Харин өчигдөрийн ням гарагаас ямарч холбоо харилцаа тасарсан гэж сайтууд мэдээлж эхэллээ. Зарим сайтад бүр нийслэлийн Багануур дүүргийн цагдаагийн хэлтэс, Онцгой байдлын хэлтэс, цэргийн ангиуд өнөөдөр үүрээр эрэлд гарсан мэдээлэл байна. Мөн Багануур дүүргийн нэгдсэн эмнэлгийн бүх ажилтан ажилчдыг өндөржүүлсэн бэлэн байдалд оруулсан гэж тэндэхийн албаны эх сурвалж мэдэгдлээ.
Бурхан халдун уул руу Ерөнхий сайд 40 хүний бүрэлдэхүүнтэй явсан. Цасанд боогдож 20 хүн нь бууж Багануурт ирсэн гэнэ. Үлдэсн 20 хүнээс ямар  ч сураггүй байгаа учраас одоо инйхүү эрэлд гарсан гэж Багануур дүүргээс мэдээлж байна.
Харин энэ талаар өглөөний 09,00 цагт Засгийн газрын Хэвлэл мэдээллийн албаны дарга Ц.Мөнхтөрөөс утсаар тодруулахад “Ёстой мэдэхгүй. Дуулаагүй юм байна. Амралтын өдрөөр л зүгээр явж дээ” гэлээ.