Жиргээчдийн ертөнцөд алдаршаад буй "Танхай эмээ" Ардчилсан нам, тэр дундаа Ерөнхий сайд Н.Алтанхуягийн толгойлдог "Алтан гадас" фракцынхныг ийн бичжээ. Түүний "70 бор оготно" нийтлэлийг хүргэж байна.




Эрт урьд цагт ах дүү 70 бор оготно байж гэнэ. "Алтан гадас" гэдэг фракцтай
юм байж. Нэг өдөр "Алтан гадас" фракц дээр нь аюулгүй сайхан боломж
гарч ирэхэд ах дүү далуулаа хэлэлцэж байгаад шагайн чинээ сая доллар
болгожээ. Түүнийгээ хамгийн оффшор дүүдээ хадгалуулж гэнэ. Оффшор дүү нь
шагайн чинээ сая доллароо идсээр байгаад 1658 хан евро болгочихжээ.
Оффшор дүүгээ ах дүү далуулаа зодсоор байгаад Герман явуулчихаад
өөрсдөө "Бурхан халдун уул" руу яваад төөрөөд үхэх шахаж гэнэ. Энэ
явдлаа ах бор хулгана нь твитерт жиргэж гэнэ.
"Ах дүү далуулаа явсан юмсан" гэхэд нь жиргээчид:
"Өнөр болохоо дөхжээ" гэж.
"Алтан гадас" фракцаараа явсан юмсан" гэхэд
"Зугаалга болох дөхөж дээ" гэжээ.
"Авирах гэж байтал аймаар их цас орчихлоо" гэхэд
"Зуд болох шахаж дээ" гэжээ.
"Шөнө модон дотор гал түлж хонов" гэхэд
"Түймэр тавих шахаж дээ" гэжээ
"Ах дүү далуулаа 7 цаг цас арилгав" гэхэд
"Ажилч болохоо дөхөж дээ" гэжээ.
"Арилгаж байгаад хуруу хацараа хөлдөөлөө" гэхэд
Группэд орох шахаж дээ" гэжээ.
"Нисдэг тэрэг ирж байж л аварлаа" гэхэд
"Улсаа хямраах шахаж дээ" гэхэд
"Ард олныхоо төлөө залбирч байгаад л ирлээ"гэхэд
"Лам болохоо шахаж дээ" гэв.
"Одоо Монголчууд улам их хийморьтой явна" гэхэд
"Үзмэрч болох шахаж" гээд даапаалаад хайхарч өгсөнгүй.
70 бор огтоно жиргээчдээс ямар нэгэн шийдвэртэй хариу дуулах байх гэж
очсон урам нь хугарч жиргээч гэдэг чинь юу ч мэдэхгуй ажилгүй хар
бааснууд байдаг юм байна гэж мэдэж гэнэ.