Сонгуулийн ерөнхий хорооны дарга Ч.Содномцэрэнгээс дараахь зүйлийг тодрууллаа.

-Сонгуулийн төв байгууллага Ерөнхийлөгчийн сонгуулийг урьдчилсан байдлаар хэдийд явуулах санал УИХ-д өгсөн байгаа вэ?  
-Ерөнхийлөгчийн сонгуулийн тухай хуульд Ерөнхийлөгчийн сонгуулийг товлон зарлах хугацааг заасан байдаг. Хуулиар энэ хугацааг санал авах өдрөөс 65-аас доошгүй хоногийн өмнө УИХ товлож, зарлана. 65 хоногоор тооцоход зургадугаар сарын сүүлийн долоо хоногт таарч байгаа. Зургадугаар сарын 24-28-ны хооронд Ерөнхийлөгчийн сонгуулийг товлон зарлах бололцоотой.
Бид энэ саналаа УИХ-д хүргүүлсэн. Ерөнхийлөгчийн сонгуулийн хугацааг товлож, зарласны дараа 10 хоногт намууд нэр дэвшүүлэх ажил­лагаагаа эхэлж, 10 хоногийн до­тор дуусгах ёстой. Өөрөөр хэлбэл, 20 хоногт багтаана. Ингээд дөрөвдүгээр сарын 20 гээд товоо зарлалаа гэхэд тав­дугаар сарын 10 гэхэд на­муу­­дын нэр дэвшигчид то­дор­хой болсон байна. Ерөн­хийлөгчид нэр дэвшигч бүрт­­­гүүлээд, үнэмлэх авсан өд­­рөөс сурталчилгаагаа хийх бо­ломжтой. Хуульд СЕХ нэр дэв­шигчид нэгдсэн журмаар үнэмлэхийг нь санал авах өд­рөөс 35 хоногийн өмнө ол­гоно гэж заасан. Энэ хугацаа нь тавдугаар сарын 10-наас хойш таарч байгаа. Ингэж урьд­­чилсан байдлаар ажлаа тө­лөвлөж, Ерөнхийлөгчийн сон­­гуулийн бэлтгэлийг хангана. 

-Увс аймгаас сон­гогд­сон УИХ-ын гишүүн Ч.Хү­рэлбаатар, Б.Чой­жилсүрэн нарт холбоотой мар­гаа­ныг Улсын Дээд шүүх эцэс­­лэн шийдвэрлэсэн. Ин­­­гэх­дээ УИХ-ын хоёр ги­шүү­ний асуудлыг СЕХ бүрэн эрхийнхээ хүрээнд шийд­вэрлэх ёстой гэсэн. Сонгуулийн үеэр мөнгө тараасан гэж тэдний тус­ла­хууд гурван шатны шүүхээс ял сонслоо. Гэтэл тэднээр сон­­гуулийн сурталчилгаа хийл­гэсэн нэр дэвшигчид нь УИХ-д сууж байдаг. Энэ асуудлыг СЕХ хэзээ шийд­вэрлэх вэ?
-Улсын Дээд шүүхээс одоогоор СЕХ-нд шийдвэрээ ирүүлээгүй байна. 

-УИХ-ын сонгуулийн сурталчилгааны хугацаанд мөнгө тараасныг нь нотолсон иргэдэд урамшуулал олго­хыг Улсын Дээд шүүх шийдвэртээ тусгасан байгаа. Иргэдэд олгох урамшууллыг СЕХ шийдэх үү?
-Хэрэв Улсын Дээд шүүхээс ингэж хууль зөрчсөнийг тог­тоосон шийдвэрээ СЕХ-нд ирүү­лэх юм бол хуульд заасан урамшууллыг олгох хуулийн заалт­тай. Тэр заалтын дагуу СЕХ хуралдаж, шийдвэр гаргах юм.

-Өвөрхангай аймгийн иргэдийг төлөөлж, хэн УИХ-д суух вэ гэсэн асуудал өнөө хэр нь олны анхаарлыг татаж байгаа. Энэ тухайд...?
-СЕХ Өвөрхангай аймгийн иргэдийг төлөөлж суух хоёр хүний нэрийг УИХ-д өргөн барьчихсан байгаа шүү дээ. /Одоогоос долоон сарын өмнө СЕХ Өвөрхангай аймаг буюу УИХ-ын 10 дугаар тойрогт АН-аас нэр дэвшигч Г.Батхүү, Д.Зоригт нарын нэрийг УИХ-ын даргад өргөн мэдүүлсэн/

-УИХ-ын сонгуулийн 26 дугаар тойрог Сонги­но­­хайрхан дүүрэгт энэ сарын 14-нд дахин санал ху­раахаар товлосон. Нэр дэв­шигч дахин санал хураах өдөр хүртэл сурталчилгаа хийх­гүй гэж хуульд тусгасан бай­гаа. Гэтэл иргэд рүү утасдан нэр дэвшигч тэрийг дэмжээрэй гэж ярьж, мессэж илгээж байгаа гэсэн. Энэ асуудлыг зохицуулсан заалт хуульд бий юү?
-Ийм асуудал гарч байгаа бол хэн гэдэг хүн хэзээ, юу гэж ярьсныг баримтжуулж, Сон­гуу­лийн тойргийн хороондоо хан­дах хэрэгтэй. Тойргийн хо­­­роо асуудлыг шийдвэрлэх ёстой.