Энэ удаагийн Ерөнхийлөгчийн сонгуульд АН-аас нэр дэвших Ц.Элбэгдоржид бусад өрсөлдөгчөөсөө давуу тал олон байна. Хэдийгээр сонгуулийн сурталчилгаа эхэллээ хэмээн хуулийн дагуу цан цохиогүй ч АН-аас нэр дэвших нь тодорхой Монгол Улсын одоогийн Ерөнхийлөгч Ц.Элбэгдорж аль хэдийнэ сонгуулийнхаа кампанит ажлыг эхлүүлснийг хүн бүр мэдэж байгаа. Өнөөдөр тэрээр “сэмхэн” Баянзүрх дүүргээр зочилжээ. Алслагдсан хороодоор зочилсон Ерөнхийлөгч олон дагуул ялангуяа хэвлэлийн хэдээс тун ч зайгаа авсан бололтой. Дагуулгүй ирсэн Ерөнхийлөгчдөө баянзүрхчүүд түмэн зовлонгоо тоочиж амжсан гэнэ. Монголын хүн амын 10 хувь энэ дүүрэгт амьдардаг учраас Ц.Элбэгдорж Ардын дунд орших үнэнг эндээс хайжээ.