УИХ дахь Шударга ёс эвслийн МҮАН-ын гишүүн Д.Батцогт, Н.Батцэрэг, М.Сономпил, Г.Уянга болон бие даагч гурван гишүүн УИХ-ын дарга З.Энхболдод хандаж байр сууриа илэрхийлжээ.
Тэд УИХ-ын гишүүн, УИХ-ын дэд дарга С.Баярцогтын оффшор бүс дэх нууц данстай холбоотой мэдээлэл дэлхийн хэвлэлүүдээр цацагдаад нилээд хугацаа өнгөрлөө . Энэ бол улстөрийн өндөр албан тушаалтан татвараас зайлсхийж мөнгө угаах хэрэгт холбогдсон байж болзошгүй нь илэрсэн Монголын анхны тохиолдол юм. Монголын төр үүнд байдаг л нэг тохиолдол мэтээр хандан таг чиг суух нь гадаад орчин болон иргэдэд таагүй сэтгэгдэл төрүүлж байан. Энэ буруу үйл явдал цаашид ч буруу жишиг тогтоож болзошгүй. Тиймээс арга хэмжээ авах нь зүйтэй хэмээн үзэж байгаагаа илэрхийлжээ. Түүгээр ч барахгүй УИХ-ын Ёс зүйн дэд хороогоор оруулж, хуулийн дагуу арга хэмжээ авахыг тэд шаардсан байна.