Сонгинохайрхан дүүргийн сонгогчид яг одоо тус дүүргийн Сонгуулийн тойргийн хорооны хуралдааныг эсэргүүцэж жагсаж байна. Тус дүүргийн Сонгуулийн тойргийн хороо хуралдаж өнгөрсөн ням гаригт болсон дахин санал хураалтыг хүчингүйд тооцох тухай шийдвэр гаргах гэж байна гэж жагсагчид үзэж байгаа юм. Хэрэв дахин санал хураалтыг хүчингүйд тооцвол саналаа өгсөн иргэдийн сонгох эрхэнд нь халдаж байна гэж эсэргүүцэж байгаа аж. Мөн төсвөөс гарсан 397 сая төгрөг салхинд хийсэх нь гэж эсэргүүцэж байгаа нь энэ.
УИХ дахь Ардчилсан намын дарга Д.Эрдэнэбатын мэдээллэснээр хэрэв дахин санал хураалтыг хүчингүйд тооцвол дахин санал хураалт бус сонгууль явуулна гэж хэлсэн. Тэгэхээр төсвөөс дахиад л их хэмжээний мөнгө гарах нь дамжиггүй юм.