Ерөнхий сайдыг хууль биелүүлэхгүй байна гэж МАН-ын бүлгийн гишүүд огцруулах асуудлыг тавьсан. Үүнтэй холбогдуулан УИХ-ын гишүүн Ж.Энхбаяр Ерөнхий сайд Н.Алтанхуягаас, “Таны эгч Уянгын охины Говьнүүрс гэдэг компани Тавантолгойгоос 17 тэрбум төгрөгийн тендэр авах гээд байж байна. Энэ чинь шударга ёс уу. ЗГХЭГ-ын дэд дарга Дэнзэнгийн эхнэр шүү дээ” гэсэн асуулт тавьж байсан ч тухайн үед хариулт өгөөгүй. Харин өнөөдрийн чуулганы хуралдаанаар УИХ-ын гишүүн Ж.Энхбаяр мөн л энэ асуултаа Ерөнхий сайдад тулгав. Ерөнхий сайд харин, “Би өөрөө өөрийнхөө төлөө хариуцлага хүлээнэ. Би шударга бус зүйл хийдэггүй. Шалгагдаж байгаа хүн болгоныг надтай наах хэрэггүй. Наадахаа УИХ-ын бүрэн гишүүнийхээ бүрэн эрхийн хүрээнд шалгуулаарай. Надад ямар ч тийм зүйл байхгүй” гэсэн хариулт өглөө.
