УИХ-ын дэд дарга С.Баярцогтын албан тушаалаасаа өөрийн хүсэлтээр огцрох асуудлыг УИХ-ын чуулганы хуралдаанаар хэлэлцсэн ч “Шударга ёс” эвслийн бүлэг завсарлага авснаар хэлэлцүүлгийг үргэлжлүүлэх боломжгүй боллоо. Тэд С.Баярцогтын хүсэлтийг УИХ-ын Ёс зүйн дэд хороогоор хэлэлцэж шийдвэрлэсний дараа хэлэлцэх нь зүйтэй гэж үзсэн юм. Энэ хүсэлтийг УИХ-ын дарга З.Энхболд ёсоор нь болгож алх цохисноор С.Баярцогтын өөрийн хүсэлтээр УИХ-ын дэд даргаас чөлөөлөгдөх хүсэлтийг ёсчлон биелүүлсэнгүй.