УИХ-ын чуулганы хуралдаанд Ерөнхий сайд Н.Алтанхуяг мэдээлэл хийж байна. Тэрээр энэ хавар хийх бүтээн байгуулалтын ажил хийгээд эдийн засагт гол нөлөө үзүүлдэг зарим салбарт авч хэрэгжүүлж байгаа бодлогын талаар мэдээлэл хийсэн юм. Харин УИХ-ын гишүүд Ерөнхий сайдаас асуулт асууж, хариулт авч байна. МАН-ын гишүүдийн хувьд эдийн засгийн өсөлт өнгөрсөн жилтэй харьцуулахад хэд дахин буурсан. Үүнийг хэрхэн өсгөх гэдэгт асууж байна. Харин Ерөнхий сайдын хувьд “Эдийн засгийн хөгжил, бүтээн байгуулалтын ажилд МАН-ынхан өөрсдөө чөдөр тушаа болж байгаа” гэдгийг хатуухан анхаарууллаа.