УИХ-ын гишүүн М.Батчимэгийн ахалдаг Ёс зүйн дэд хороо өнөөдөр 14 цагт хуралдахаар товлогджээ. Хуралдаанаар тус дэд хороонд ирсэн өргөдөл гомдлоос гадна, УИХ-ын дэд дарга С.Баярцогтод ямар хариуцлага тооцох эсэхийг хэлэлцэх юм. Нууц данстай нь тогтоогдож, ямар эх үүсвэрээс олсон мөнгө болох нь тодорхойгүй байгаа учир УИХ-ын гишүүн С.Баярцогтод ёс зүйн хариуцлага бус гишүүний бүрэн эрхээс нь түдгэлзүүлэх хэрэгтэй гэж Шударга ёс эвслийн бүлгийн зарим гишүүн, бие даагч гишүүд хэлж байгаа юм. Мөн өнөөдөр хэд хэдэн байнгын хороо хуралдах юм байна.