УИХ-ын дэд дарга С.Баярцогтын асуудлыг Ёс зүйн дэд хороогоор хэлэлцэж байна. Дэгийн тухай хуулиараа УИХ-ын гишүүний асуудлыг хэлэлцэхдээ нээллтэй хэлэлцэнэ, шаардлагатай бол хаалттай хэлэлцэнэ гэж заасан байдаг аж. Үүний дагуу хуралдааныг нээллтэй хэлэлцэх эсэхийг гишүүдийн саналаар шийдсэн юм. УИХ дахь АН-ын бүлгийн дарга Д.Эрдэнэбат, “С.Баярцогтын асуудлыг хэлэлцэхэд чуулганы хуралдаанаар хэлэлцсэнээс илүү нарийн зүйл ярих учиртай. Тиймээс хаалттай хэлэлцэх зүйтэй” гэсэн горимын санал гаргаж, түүнийг саналыг олонхи дэмжсэнээр хаалттай хуралдаж байна.