Энэ асуултын хариултыг МАН өнөөдөр тодорхой болгоно. Яг одоо Тусгаар тогтнолын ордонд хуралдаж байгаа МАН-ын бага хурал хаалттай горимоор явж байна.
Хэвлэлийн тоймчдын таамаглаж байгаагаар МАН-аас Ерөнхийлөгчийн сонгуульд хэд хэдэн хүний нэрийг дэвшүүлэх магадлалтай гэж үзэж буй. Тодруулбал, МАН-ын дарга, УИХ-ын гишүүн Ө.Энхтүвшин, УИХ-ын гишүүн Б.Бат-Эрдэнэ, УИХ-ын гишүүн Д.Оюунхорол нарыг нэр дэвших хамгийн магадлалтай гэсэн таамаг бий. Гэхдээ энэ эрхмүүдээс өнөөдөр нэг нь тодорч Монгол Улсын Ерөнхийлөгчийн сонгуульд өрсөлдөх эрх авна.
Гэхдээ зарим эх сурвалжийн өгүүлж байгаагаар МАН-ын бага хурал жинхэнэ коммунист хэлбэрээр явах гэнэ. Нэр дэвшигч тодорсон ч Бага хуралд оролцож байгаа гишүүд нэр дэвшигчээс асуулт асууж, элдэв янзын зүйл шалгаахгүйгээр гар өргөн дэмжих үүрэгтэй байгаа гэнэ.
Ямартай ч МАН-ынхны зүгээс нэр дэвшигчийн тодруулж, өнөөдөр олон нийтэд зарлах юм байна.