УИХ дахь МАН-ын бүлгээс Д.Сумъяабазарыг тангараг өргүүлнэ гэж чуулганы хуралдааныг саатуулаад байна. Мөн олонхийн бүлэг ч барьцаж Өвөрхангайгаас Д.Зоригтыг тангараг өргүүлнэ гэж хоёр тийшээ харж суусаар байна.
“Шударга ёс” эвслийн бүлэг үүнд ямар байр суурьтай байгааг Бүлгийн дарга Н.Батцэрэгээс тодруулахад, “Төрийн ажлыг гацаагаад байх шалтгаан байхгүй. Нэгэнт СЕХ шийдвэрээ УИХ-д танилцуулж, Ерөнхийлөгчид айлтгасан юм билээ. Тиймээс энэ асуудлыг шийдээд явахад буруудахгүй байлгүй дээ. Тэртэй тэрэнгүй хоёр намын л гишүүд. Бидний хувьд тэднийг шүүж тунгаах эрхгүй. Хамгийн гол нь бид төрийн ажлыг саатуулахгүй, хуулийн дагуу явахыг л шаардаж байна” гэсэн тайлбар өглөө.