УИХ-ын дэд даргаар Р.Гончигдоржийг томилсон байнгын хорооны тогтоолын төслийг УИХ-ын чуулганаар хэлэлцэн баталлаа. Энэ асуудлыг өнгөрсөн долоо хоногт хэлэлцэж байсан ч МАН-ын бүлгийн гишүүдийн хувьд Сонгинохайрхан дүүргээс сонгогдсон Д.Сумъябазарыг тангараг өргүүлэхгүй бол дэд даргыг томилуулахгүй гэж завсарлага авсан юм. Мөн өнөөдөр энэ асуудлыг хэлэлцэх үед МАН бүлэг Д.Сумъяабазарыг тангараг өргүүлэхгүй бол УИХ-ын дэд даргыг томилохгүй гэсэн байр суурь илэрхийлсэн ч УИХ-ын дарга З.Энхболд хойшлуулах шаардлагагүй гэж үзэн хэлэлцсэн юм. Ингээд чуулганд оролцсон гишүүдийн 31 гишүүн буюу 53.7 хувиар УИХ-ын гишүүн Р.Гончигдорж дэд дарга болов.