Монголын үндэсний Ардчилсан нам бүгд хурлаараа Монгол Улсын Ерөнхийлөгчийн сонгуульд нэр дэвшигчийг тодруулахаар хуралдсан юм. Тус намын удирдах зөвлөлөөс Ерөнхийлөгчийн сонгууль намын дарга М.Энхсайханыг дэвшүүлээд байсан бол намын бүгд хурлаас Ардчилсан намаас нэр дэвшигч Ц.Элбэгдоржийг дэмжиж оролцох нь зөв гэсэн шийдвэрийг гаргажээ.
МҮАН-ын дарга М.Энхсайхан, “Ардчиллын түүхэнд төрийн өндөрлөгүүд нэгэн улс төрийн хүчинд төвлөгч байгаагүй юм. АН-аас Ерөнхийлөгч сонгогдвол МАН засаг барьдаг, МАН-аас Ерөнхийлөгч сонговол АН засаг барьдаг байсан. Энэ нь Засгийн газраа огцруулдаг эвсэл ажлаа гацаадаг. Нэг ёсондоо ажил урагшилдаггүй байж. Тиймээс ардчилсан Ерөнхийлөгчтэй, Ардчилсан Засгийн газартай байх түүхэн боломж АН-д төдийгүй, монголын ард түмэнд тохиолоо” гэв. Ийнхүү тус намын бүгд их хурлаас М.Энхсайханыг бус Ц.Элбэгдоржийг Ерөнхийлөгчийн сонгуульд дэмжихээ илэрхийллээ. Ийнхүү Улс төрийн гурван ч нам шийдвэрээ гаргалаа. Харин өнөөдөр МАХН Ерөнхийлөгчийн сонгуульд хэрхэн оролцохоо шийдэх юм.