Ерөнхийлөгчийн сонгуульд Иргэний Зориг Ногоон намынхан Ардчилсан намаас нэр дэвшигч Ц.Элбэгдоржийг дэмжиж оролцох нь зүйтэй гэсэн саналыг Үндэсний хорооны гишүүдийн олонхиороо шийджээ.
УИХ-ын гишүүн С.Оюун “Заавал нам дангаар сонгуульд оролцохоос илүүтэй Ерөнхийлөгчийн мөрийн хөтөлбөрт намын үндсэн бодлогыг тусгаж түүнийг хэрэгжүүлэх нь юунаас илүү чухал” гэсэн байр сууринаас ханджээ. Юутай ч арван хүний бүрэлдэхүүнтэй ажлын хэсэг байгуулагдаж Ардчилсан намын удирдлагуудтай уулзаж мөрийн хөтөлбөр боловсруулахад нь хамтарч ажиллах юм байна.