Өнөөдөр хоёр байнгын хороо хуралдана. Нийгмийн бодлого, боловсрол, соёл, шинжлэх ухааны байнгын хорооны хуралдаанаар Монгол Улсын хууль тогтоомжийг 2016 он хүртэл боловсронгуй болгох Үндсэн чиглэлийг батлах тухай УИХ-ын тогтоолын төслийн анхны хэлэлцүүлгийг хийж, санал дүгнэлтийг Хууль зүйн байнгын хороонд хүргүүлэх юм байна. Мөн Тамхины хяналтын тухай хуулийн хэрэгжилтийн явцтай танилцах үүрэг бүхий ажлын хэсгийн байгуулах тухай Байнгын хорооны тогтоолын төслийг батлах юм байна.
Тэгвэл Байгаль орчин, хүнс, хөдөө аж ахуйн байнгын хорооны хуралдаан 11 цагт Б танхимд хуралдах юм байна. Хуралдаанаар Импортын мод, модон материалын талаар баримталж байгаа бодлого, арга хэмжээ нь Монгол Улсын ойн нөөцийг хамгаалахад үзүүлэх нөлөөллийн талаар Байгаль орчин, ногоон хөгжлийн сайд С.Оюуны мэдээлэл хийх юм байна. Харин Барилга хот байгуулалтын сайд Ц.Баярсайхан Импортын барилгын модон материалыг нийлүүлэх талаар авч хэрэгжүүлж байгаа арга хэмжээний тухай мэдээлэл хийх аж.