Засгийн газрын хэрэг эрхлэх газрын Тэргүүн дэд дарга Ш.Солонгыг өнгөрсөн бямба гарагийн Засгийн  газрын хуралдаанаар ажлаас нь чөлөөлсөн. Учир нь, тэрээр Төрийн банкнаас ашиг хувааж авсан албан тушаалтнуудын нэг байсан учир ийм шийдвэр гаргажээ. Зарим яамны Төрийн нарийн бичгийн дарга, газрын дарга нар тус банкны Төлөөлөн удирдах зөвлөлийн гишүүд гэдэг нэрээр 90 сая төгрөгийн ашиг хувааж авсан нь саяхан илэрсэн. Тэднээс гадна өөр албан тушаалтнууд Төрийн банкнаас ашиг хувааж авсны дотор Ш.Солонго байжээ. Тэрээр ашиг хэмээн тус банкнаас 17 сая төгрөг авсан юм. Төрийн банкны ТУЗ-ийн бусад гишүүд болох албан тушаалтнуудыг ажлаас чөлөөлсөн боловч Ш.Солонго ажилласан хэвээр байж. Хариуцлага алдаж, алдаа гаргасан түүнийг үүрэгт ажлаас нь чөлөөлөх шийдвэрийг харин ч хожимдож гаргаж буй нь энэ.