Мэргэжлийн сүмогийн 68 дахь Их аварга Асашёрюү Д.Дагвадорж дөнгөж сая Ардчилсан намын батлах гардан авч, албан ёсоор тус намын гишүүн боллоо. Тэрээр Хан-Уул дүүргийн ардчилсан намын үүрийн гишүүнээр элссэн юм. Түүнд намын батлахыг нь УИХ-ын гишүүн, ҮХАА-н сайд Х.Баттулга, Хан-Уул дүүргийн Ардчилсан намын дарга Д.Батбилэг нар гардуулсан юм.
Асашёрюү Д.Дагвадоржоос дараахь асуултад хариу авлаа.

-Монгол Улсын Ерөнхийлөгчийн сонгуулийн сурталчилгаа эхэлж байгаа энэ өдөр та Ардчилсан намд элслээ. Сэтгэгдлээсээ хуваалцахгүй юу?
-Надад маш олон хүн намд элсээч гэсэн санал тавьж байсан. Харин би өнөөдөр түүхэн сонголт хийж Ардчилсан намд элслээ. Энэ намын үзэл баримтлалыг дэмждэг. Залуустаа сайхан ирээдүй бий болгох, үлгэр дуурайл болгохыг хүсч байна.
-Энэ намын ямар үзэл баримтлал нь танд илүү нийцдэг вэ?
-Надаар хэлүүлэлтгүй энэ намын үзэл баримтлалыг мэдэж байгаа биз дээ. Ардчилал гэдэг бол эрх чөлөө, иргэдийн дуу хоолой. Тэр утгаараа хаагдмал нийгмийг нээж өгсөн буян нь Ардчилсан намд байдаг гэж ойлгодог. Үр хүүхдүүд маань хүртэл дэлхий, хорвоо ертөнцөийг харах үзэл нь хүртэл өөрчлөгдөж байна шүү дээ. Энэ бол ардчиллын буян.
-Та энэ өдрөөс эхлээд улс төрчийн замналаар амьдрах уу. Улс төрд албан ёсоор хөл тавьж байна гэж ойлгож болох уу?
-Би ямартай намаа дэмжиж ажиллана. Бөхөд ороод л аварга болчихдоггүйтэй адил намд ороод л улс төрч болчино гэж ойлгож болохгүй. Улс төрд олон даваа гүвээ байгаа байх. Түүнийг нь давах байх. Би хувь хүнийхээ хувьд бодсон санасан зүйл олон бий. Түүнийхээ дагуу л явах болно.