Дорнод аймгийн Матад сумын нутагт газрын тосны хайгуул, олборлолт явуулж буй  “Петро Чайна Дачин тамсаг” компанийн монгол ажилчид ажил хаяад байгаа билээ. Монгол ажилчдын хувьд ажиллах хугацааг багасгаж, цалин хөлсийг нэмэгдүүлэх шаардлагыг өнгөрсөн жилээс эхлэн тавьж ирсэн ч компанийн удирдлагууд биелүүлээгүй өдийг хүрснээс үүдэн ажил хаясан юм. Тэгвэл тус компаний удирдлагууд Үйлдвэрчний эвлэлийн хорооныхонтой хэлэлцээрийн ширээнд суухаар болоод байгаа юм байна.
Хэрэв хоёр тал шийдэлд хүрч чадвал монгол ажилчид 40 хоног ажиллаж 20 хоног амардаг ажлын хугацааг өрчилж, сарын цалингаа нэмэгдүүлэх боломжтой болох юм.