Эрүүл мэндийн сайд асан Н.Хүрэлбаатарыг манай хууль хяналтынхны хүсэлтээр Интерполоор эрэн сурвалжилж эхэлсэн тухай мэдээлэл түгэж буй. Энэ талаар ЦЕГ-ын Хэвлэл мэдээллийн төвийн дарга, цагдаагийн хурандаа Т.Сайнжаргалаас тодруулахад үгүйсгэсэн юм.
Харин Н.Хүрэлбаатар болон түүний хүү Х.Энхбатыг Хан-Уул дүүргийн Цагдаагийн хэлтсийнхэн шалгаж буй тухай эх сурвалж хэлэв. Тус дүүргийн 15 дугаар хороо “Рапид харш” хотхоны 5-А байрны 35 дугаар тоотоос их хэмжээний мөнгөтэй сейф алдагдсан тухай мэдээлэл хоёр сарын өмнө түгсэн. Цагдаагийнхан эл сейфийг олоход дотор нь хоёр сая 245 мянган юань, 6000 ам.доллар байсан гэдэг. Тиймээс энэ их хэмжээний мөнгөний эх үүсвэрийг нь тодруулахаар цагдаагийнхан эцэг хүү хоёрыг шалгаж буй гэнэ. Цагдаагийнхан Х.Энхбатыг хорьсон байгаа бол Х.Хүрэлбаатар хилийн дээс алхаад сураггүй болсон аж.