УИХ-ын гишүүн Ё.Отгонбаярын эхнэр О.Эрдэнэсолонгыг 500 орчим тэрбум төгрөгийг өөрийн нэрийн дансаар удаа дараагийн үйлдлээр угаасан хэмээн цагдан хориод байгаа. Гэтэл үнэн хэрэгтээ УИХ-ын гишүүн Ё.Отгонбаярын эхнэрийн угаасан гэх мөнгөний дүн одоо хэр нь тодорхойгүй байна. Өнөөдөр Нийслэлийн Прокурорын газраас өгсөн мэдээллээр ч тэр хэд хэмжээний мөнгө байгааг шалгаж байгаа. Эцсийн дүн тодорхойгүй байна гэж мэдээллэсэн.
Харин энэ асуудлыг УИХ-ын чуулганы хуралдаанд Ерөнхий сайдын цагийн үеэр ч асуусан гишүүн олон байлаа. Тухайлбал, УИХ-ын гишүүн Н.Энхболд, “Отгонбаяр гишүүний эхнэрийг мөнгө угаасан гэж мэдээллэж байна. Тэгвэл хэдий хэмжээний мөнгө угаасан юм бэ. Төгрөг юм уу, ам.доллар юм уу” хэмээн Ерөнхий сайд Н.Алтанхуягаас тодруулсан. Харин Засгийн газрын тэргүүний хувьд, “Би өчигдөр Сэлэнгэ, Дарханд ажилласан. Энэ тухай мэдээлэл надад алга. Мэддэг хүнийг нь дуудаж ирээд асуу” гэхчлэн уцаарлангуй хариулт өгсөн.
УИХ-ын гишүүний Ё.Отгонбаярын хувьд хэвлэлээр бичээд байгаа шиг их хэмжээний мөнгө надад байхгүй гэдгээ удаа дараа илэрхийлж буй. Тэгэхээр О.Эрдэнэсолонго гэдэгэ эмэгтэй нөхөртөө мэдэгдэхгүйгээр энэ их хэмжээний мөнгө угаасан гэхэд итгэх арга алга. Тэгэхээр цагдаагийнхан худал мэдээлэл тараав уу, эсвэл хэвлэлийнхэн дэвэргэв үү.
Ямартай ч төгрөг үү, доллар уу гэдэг нь тодорхойгүй байна.