Швейцарийн банкинд оффшор бүс буюу татваргүй бүсэд нэг сая ам.доллартай болох нь тогтоогдсон С.Баярцогт энэ дансанаа хөрөнгө орлогын мэдүүлэгтээ мэдүүлээгүй, улсад татвар төлөөгүй нь тогтоогдсон.
УИХ-ын гишүүн хүн хөрөнгө орлогоо санаатайгаар худал мэдүүлсэн, өмч хөрөнгөө нуун дарагдуулсан нь тогтоогдвол УИХ-ын Ёс зүйн дэд хороо шалгаж хариуцлага тооцох ёстой. Гэвч УИХ-ын дэд даргын сэнтийгээсээ л буугаад өнгөрөх шинжтэй. Учир нь хуульд зааснаар С.Баярцогтод сахилгын болон ёс зүйн хариуцлага л тооцох эрхтэй гэнэ. Тодруулбал, цалингийн хувь хэмжээг бууруулах, албан тушаал бууруулах гэх мэтийн хариуцлага тооцох ёстой.
Гэвч сүүлийн үед түүнийг Үндэслэлгүйгээр хөрөнгөжих гэдгээр эрүүгийн хэрэг үүсгэж магадгүй гэж хэвлэл мэдээллээр бичиж байгаа юм. Харин С.Баярцогт гишүүний энэ асуудал Үндэслэлгүйгээр хөрөнгөжих гэдэгт багтахгүй нь. Учир юу гэвэл Үндэслэлгүйгээр хөрөнгөжих гэдэг хууль хоёр жилийн өмнө буюу 2011 онд батлагдсан хууль аж. Харин С.Баярцогтын нуусан гэх данс нь 2007 онд үүсгэгдсэн тул энэ хуульд үйлчлэхгүй талаар Хууль зүйн сайд Х.Тэмүүжин хэлж байгаа юм.