МАН-ын дэргэдэх “Шинэчилье” хөдөлгөөнийхөн Бага хурлыг долдугаар сарын 30-нд хуралдуулах шаардлагыг намын удирдлагууддаа хүргүүлээд байсан. Хэдийгээр намын удирдлагуудын зүгээс ямар нэгэн тайлбар хийгээгүй ч Удирдах зөвлөл өнөөдөр Тусгаар тогтнолын ордонд хуралдаж, "Шинэчилье" хөдөлгөөнийхнөөс өгсөн шаардлагыг хэлэлцэх юм байна. Харин энэ сарын 30-нд Бага хурлыг хуралдуулахгүй бол гишүүдийн гуравны нэгийг бүрдүүлэн хурлаа хийнэ  гэж байсан залуу гишүүд бүтэлгүйтэв бололтой. Учир нь, амралт зугаалгын сар таарсан учир хуралдаа оролцох Бага хурлын гишүүд олдоогүй тул тэд ирцээ бүрдүүлж чадаагүй аж. Тиймээс намын Удирдах зөвлөл хуралдаж, ямар шийдвэр гаргахыг хүлээж байгаа бололтой.