Наймдугаар сарын 14 хүртэл болох “Хааны эрэлд-2013” нэртэй олон улсын цэргийн хээрийн сургууль нөгөөдөр Таван толгой дахь сургалтын төвд эхэлнэ. Манай зэвсэгт хүчний жанжин штабаас АНУ-ын Номхон далай дахь цэргийн командлалтай хамтран зохион байгуулах энэ сургуульд Австрали, Канад, Франц, Герман, Япон, Энэтхэг, Индонези, Балба, Өмнөд Солонгос, Тажик, Вьетнамын цэргийн төлөөлөгчид ирж оролцох юм.
11 дэх удаагаа, АНУ-тай хамтран зохион байгуулж байгаа энэ хээрийн сургуулиар америкийн цэргийн инженерийн, барилгын инженерийн, мөн эмнэлгийн албадуудтай зэвсэгт тулгаралтын үед хэрхэн хамтран ажиллах, олон улсын хамтын ажиллагааг өргөжүүлэх, цэргийн итгэлцлийг бэхжүүлэх зэвсэгт хүчний энхийг сахиулах ажиллагааны чадавхийг  нэмэгдүүлэх, дадлага хийх юм байна.