Нийслэлийн давж заалдах шатны шүүх хурал өнөөдөр хуралдаад МАН-ын өмчилж байгаа Лениний музейн барилгыг Төрийн өмч хэмээн тогтоол гаргасан байна. Үүний өмнө анхан шатны шүүхээс тус барилгыг Төрийн өмч гэж тогтоосон ч  МАН Нийслэлийн шүүхэд давж заалдсан юм. Энэ нэхэмжлэлийг хэлэлцсэн хурал энэ барилгыг  Төрийн өмч гэдгийг дахин нотолжээ.
ССАЖ-ын сайд Ц.Оюунгэрэл “Нийслэлийн шүүх шийдвэрээ гаргачихлаа. Одоо МАН шүүхийн шийдвэрийг хүндэтгээд давж заалдах эрхээсээ татгалзвал маргаан төгсгөл болж бид үлэг гүрвэлийн байраа засч эхэлнэ. МАН дахиад дээд шатны шүүхэд давж заалдвал сунжрах л байх” гэлээ.