УИХ-ын гишүүн Ц.Нямдорж, төрийн сайдыг гүтгэсэн хэргээр хэвлэл мэдээллийн хэрэгслээр уучлал гуйх эсэхийг Монгол Улсын дээд шүүх энэ сарын 12-ны өдөр хэлэлцэж шийдэх юм байна.  УИХ-ын гишүүн Ц.Нямдорж, Үйлдвэр худалдааны сайд Х.Баттулгыг  төмөр замын талаар Солонгосчуудтай нууц гэрээ байгуулсан хэмээн мэдэгдсэнийг Х.Баттулга эсэргүүцэн намайг гүтгэсэн хэмээн шүүхэд өгсөн. Анхан шатны болон нийслэлийн давж заалдах шатны шүүх энэ хэргийг хэлэлцээд үнэхээр Ц.Нямдорж нь Х.Баттулга сайдыг үндэслэлгүйгээр гүтгэсэн байна, иймд анх энэ талаар мэдээлсэн арга хэрэгслээрээ , хэвлэл мэдээллээр уучлал гуйх нь зүйтэй гэсэн шийдвэр гаргасан юм.
Харин угаасаа буруугаа хүлээж үзээгүй, УИХ-ын гишүүн Ц.Нямдорж шүүхийн шийдвэрийг хүлээн зөвшөөрөхгүй хэмээн хяналтын шатны шүүхэд давж заалдан уучлал гуйхгүй өнөө хүрч байгаа билээ.