УИХ-ын ээлжит бус чуулганы үдээс өмнө хуралдаанаар хэлэлцсэн Хөрөнгө оруулалтын тухай болон холбогдох хуулийн төслүүдийг үдээс хойш үргэлжлүүлэн хэлэлцсэн юм. Гишүүд хууль санаачлагчаас асуулт асууж, хариулт авсны дараа саналаа хэлсэн юм. Гишүүдийн санал нь хөрөнгө оруулалтын хөрөнгийн сан хэтэрхий бага байна гэдэгт санал нэгдэж байсан. Тиймээс энэ хууль нь шинэ хуулийн төсөл учир, хэлэлцүүлгийн явцад саналаа оруулах боломжтойг Эдийн засгийн хөгжлийн сайд Н.Батбаяр хэлж байсан юм. Ийнхүү энэ хуулийн хэлэлцэх нь зүйтэй гэж үзэн дараагийн хэлэлцүүлэгт бэлтгүүлэхээр Эдийн засгийн байнгын хороонд шилжүүллээ.