Хуульчид өнгөрсөн сард анхдугаар их хурлаа хийж, холбоогоо байгуулсан. Уг хурлын үеэр хуульчийн мэр­гэш­лийн үйл ажиллагаанд ба­римтлах дүрэм болон хол­боо­ны зөвлөлийн гишүүдийг бат­­ламжилж амжаагүй у­чир сарын хугацаатай зав­сар­­ласан. Тэгвэл өнгөрсөн ам­ралтын өдрүүдэд хуульчид Төрийн ордноо дахин чуулж, дээрх зүйлүүдээ хэ­лэл­­цэн баталсан байна. Энэ тухайгаа тус холбооны ерөн­хийлөгч Д.Батсүх, төс­лийг боловсруулсан аж­лын хэсгийн ахлагч О.Мөнх­сайхан нар өчигдөр сэт­гүүлчдэд мэ­дээ­лэл хийлээ. Мөн энэ үеэр хариуцлагын хо­роо­ны бүрэлдэхүүнийг бат­лам­жилжээ.

Монгол Улсын Ерөн­хий­лөгчөөс өргөн мэдүүлж УИХ-аар баталсан Шүүхийн тухай багц хуулийн нэг хэсэг болох Хуульчийн эрх зүйн байдлын тухай хууль тус салбарын өмнө тулгарч буй бүхий л асуудлыг шийдэх гарц нь болсон гэж үзэж болно. Энэ дагуу төр өөрийн эрх мэдлийг Хуульчдын холбоонд шилжүүлж, хуульчид өөрсдийн сонгосон төлөөлөгчдөөрөө дамжуулан Хуульчдын анх­дугаар их хурлаараа Хуульчийн мэргэжлийн үйл ажиллагаанд баримтлах дүрмийг хэлэлцүүлж батлах боломжтой болсон байна. Хуульчийн мэргэжлийн үйл ажиллагаанд баримтлах дүрмийн үзэл баримтлал нь хууль зүйн үйлчилгээ хүссэн иргэн, хуулийн этгээдийн эрх, хууль ёсны ашиг сонирхлыг хамгаалах, шүүхийн өмнө яллагдагчийн гэм бурууг нотлох болон гэмт хэрэг үйлдсэн этгээдэд хариуцлага хүлээлгэх прокурорын хариуц­лагыг өндөржүүлснээр ний­­тийн ашиг сонирхлыг хам­гаалах ач холбогдолтой аж. Дүрэмд хуульчийн хү­лээх үүргийг дэлгэрэнгүй, на­рийвчлан зохицуулж өг­сөн учраас хэ­рэг­­лэхэд хялбар, гарын ав­лага болж байгаа бөгөөд хууль­чийн үүргийг тодорхой зааж, хариуцлага хүлээх үн­дэс­лэлийг тодорхойлж өгснөө­рөө энэ дүрмийн заавал бие­лэг­дэх шинж хангагдаж бай­гаа гэнэ. Хэрэв дүрмийн заал­тыг зөрчсөн тохиолдолд са­нуулах, шүүхэд төлөөлөх эрх, хуульчийн мэргэжлийн үйл ажиллагаа эрхлэх зөв­шөөрлийг нь түдгэлзүүлэх, хү­чингүй болгох зэрэг арга хэм­жээ авах юм байна.

Энэ үеэр Хуульчдын холбооны ерөнхийлөгч Д.Батсүхээс зарим зүйлийг тодрууллаа.

-Хуульчдын холбоо са­рын хугацаатай хоёр удаа хуралдлаа. Дээрх хур­луу­даар хуульчид дү­рэм журмаа нэг тийш нь хан­дуулж чадсан уу?
-Энэ удаагийн хурал Хуульчдын холбоог байгуулах анхдугаар их хурлаа хийснээр дуусгавар болж буй юм. Уг хурлыг Хууль зүйн сайдын тушаалаар байгуулагдсан аж­лын хэсэг гүйцэтгэсэн. Хурлын үйл ажиллагаа дуус­гавар болсноор цаашид “Хуульчдын холбоо” өөрсдөө дотоод асуудал үйл ажиллагаагаа хариуцаж ажиллах юм.
-Хуульчдын холбооны зөвлөлийн гишүүдийг хэр­хэн сонгосон бэ?
-Зөвлөлийн гишүүдийг хуульчдын сайн дурын үндсэн дээр байгуулагдсан сайн дурын хороодын төлөөллөөс бүрдүүлсэн. Нийт 38 гишүүн батламжлагдсан. Энэ нь байгуулагдсан хороод, тухайн хороодод харьяалагдаж бай­гаа гишүүнчлэлийн тоо­той хамааралтай. Зөв­лө­лийн гишүүдийг тухайн хо­рооны гишүүдийн тоог хар­галзан сонгосон. Хуульд 20-иос дээш гишүүнтэй байна гэж заа­сан. 50 хүртэлх гишүүнтэй бол нэг төлөөлөгчийг илгээнэ. 50-100 бол хоёр, 100-200 бол гурав, 200-аас дээш бол дөр­вөн төлөөлөгчийг илгээх юм.
-Одоогоор нийт хэчнээн хороо байна вэ?
-13 хороонд 38 зөвлөлийн гишүүдийг батламжлууллаа.