Хүний хөгжил санд ирэх онд  төвлөрүүлэх төсвийн тэнцвэржүүлсэн орлого 549.780 сая төгрөг байхаар 2014 оны төсвийн төсөлд тусгажээ.  Тус сангийн  төсвөөс  зарцуулах зарлагын хэмжээ нь  312.064.2 сая төгрөг байх аж.  Харин Хүний хөгжил санд   хуримтлуулах мөнгөн хөрөнгийн хэмжээ 0.00 төгрөг байх нь.  Энэ сангаас ирэх жил хүүхдэд олгодог  сар бүрийн 20 мянган төгрөгт нийт 240 сая төгрөг зарцуулна. Үүнээс гадна уг сангийн хөрөнгө оруулалтаар нийслэлийн Сонгинохайрхан, Сүхбаатар, Баянгол, Хан-Уул, Чингэлтэй дүүрэгт “Хүүхдийн хөгжлийн төв” ирэх ондоо багтаан барьж ашиглалтад оруулахаар төлөвлөсөн байна. Үүнд нийтдээ 5.420.3 сая төгрөг зарцуулах тооцоо гарчээ.