Сэргээгдэх эрчим хүчний салбарт сонгон шалгаруулалт зарлалаа
Ц.Сандаг-Очир: COP17 хуралд “WCS”-ийнхэн туршлага, хувь нэмрээ оруулна гэдэгт итгэлтэй байна
Шаардлага хангаагүй ААН-д 6.5 тэрбум төгрөгийн давуу байдал бий болгосон хэргийг шүүхэд шилжүүлэх саналтай прокурорт хүргүүлэв
ЭЗБХ,ТБХ: 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуулийн төсөлтэй хамт өргөн мэдүүлсэн хуулийн төслүүдийг хэлэлцэхийг дэмжлээ
"Өгөгдлөөс бодлого руу" сургалт зохион байгуулж байна
Сидней, Франкфурт хотод Монгол Улсын Ерөнхий Консулын газар нээн ажиллуулахыг дэмжлээ
Улаанбаатар марафоны үеэр амрах зах, худалдааны төвүүд
ХХААХҮЯ:Энэтхэг улстай ЖДҮ, хоршооллыг хөгжүүлэх чиглэлээр хамтарна
УИХ-ын тухай хуульд нэмэлт, өөрчлөлт оруулах тухай хуулийн төсөл өргөн мэдүүлэв
И.Сарангэрэл эмгэнэлийг бичсэн үү
С.Бямбацогт, Д.Лүндээжанцан нар Цэцэд хандлаа
УИХ дахь МАН-ын бүлгийн дэд дарга С.Бямбацогт, УИХ-ын гишүүн Д.Лүндээжанцан, УИХ дахь МАН-ын бүлгийн Ажлын албаны дарга Д.Батбаатар, МАН-ын даргын зөвлөх Б.Энхбаяр нар УИХ-ын 2012 оны ээлжит сонгуулийн үр дүнд байгуулагдсан Байнгын хороодын бүрэлдэхүүнийг баталсан УИХ-ын 2012 оны 06, 07, 22, 23, 2013 оны 08, 32, 37, 49 тоот тогтоол нь Үндсэн хууль зөрчсөн эсэхийг магадлан шийдвэрлүүлэхээр Үндсэн хуулийн цэцэд ханджээ. Байнгын хороодод гишүүдийг ялгавартай хуваарилсан эдгээр тогтоол ардчилсан Үндсэн хуулийн язгуур зарчим, парламент ёсны төлөвшил, төлөөллийн ардчиллын үнэт зүйл, хэм хэмжээнд харшилсан гэж тэд үзсэн байна. Өнгөрсөн наймдугаар сарын 23-ны байдлаар УИХ-ын 76 гишүүний 44.73 хувь нь АН, 34.21 хувь нь МАН үлдсэн хэсэг нь улс төрийн бусад нам хүчин, бие даагчид эзэлж байгаа юм. Гэтэл УИХ-ын Байнгын хороодын бүрэлдэхүүнийг авч үзвэл Төрийн байгуулалтын Байнгын хорооны гишүүдийн 63.1, Аюулгүйн байдал, гадаад бодлогын, Байгаль орчин, хүнс, хөдөө аж ахуйн, Төсвийн, Хууль зүй, Эдийн засгийн Байнгын хороонд 52.7, Өргөдлийн Байнгын хороонд 47, Нийгмийн бодлого, боловсрол, соёл, шинжлэх ухааны Байнгын хорооны гишүүдийн 42.1 хувийг АН-ынхан бүрдүүлж буй гэнэ. Өөрөөр хэлбэл, АН нэг Байнгын хорооноос бусдад нь буюу 47-63 хүртэл хувийг дангаараа эзэлж, УИХ дахь олонхи, цөөнхийн зарчмаар ажиллах зохион байгуулалтын үндсэн зарчим гажсан гэж ийн Цэцэд хандсан аж.
Байнгын хорооны гишүүдийн бүрэлдэхүүнийг тогтоохдоо нам, эвслийн бүлгийн УИХ дахь суудлын тоо, олонхи, цөөнхийн харьцаа зэргийг харгалзалгүйгээр АН-ын гишүүд гурван Байнгын хороонд, харин МАН-ын бүлгийн гишүүд Улсын Их Хурлын тухай хуулийн 7.1.2-д заасан “Байнгын хороонд заавал харьяалагдаж ажиллах” гэсэн заалтыг хэлбэр төдий хангаж 1-2 Байнгын хороонд харьяалагдаж байгаа нь Үндсэн хуулийн холбогдох заалтуудыг зөрчиж, УИХ-ын гишүүдийн дунд эрх зүйн ялгаварлал бий болголоо гэж өргөдөл гаргагчид хэлж байв. Улмаар энэ нь нэг хэсэг ард түмний төлөөлөл хууль тогтоох үйл ажиллагаанд давуу эрхтэй оролцож байгаа бол нөгөө хэсэг нь хязгаарлагдмал боломж эдэлж буй нь парламентат ёсны мөн чанарыг эвдээд зогсохгүй хууль тогтоох институтын ардчилсан ёсны зарчмаар шийдвэр гарах нөхцөлийг үгүй хийгээд байгааг С.Бямбацогт, Д.Лүндээжанцан нар хэллээ.
УИХ дахь МАН-ын бүлгийн дэд дарга С.Бямбацогт, УИХ-ын гишүүн Д.Лүндээжанцан, УИХ дахь МАН-ын бүлгийн Ажлын албаны дарга Д.Батбаатар, МАН-ын даргын зөвлөх Б.Энхбаяр нар УИХ-ын 2012 оны ээлжит сонгуулийн үр дүнд байгуулагдсан Байнгын хороодын бүрэлдэхүүнийг баталсан УИХ-ын 2012 оны 06, 07, 22, 23, 2013 оны 08, 32, 37, 49 тоот тогтоол нь Үндсэн хууль зөрчсөн эсэхийг магадлан шийдвэрлүүлэхээр Үндсэн хуулийн цэцэд ханджээ. Байнгын хороодод гишүүдийг ялгавартай хуваарилсан эдгээр тогтоол ардчилсан Үндсэн хуулийн язгуур зарчим, парламент ёсны төлөвшил, төлөөллийн ардчиллын үнэт зүйл, хэм хэмжээнд харшилсан гэж тэд үзсэн байна. Өнгөрсөн наймдугаар сарын 23-ны байдлаар УИХ-ын 76 гишүүний 44.73 хувь нь АН, 34.21 хувь нь МАН үлдсэн хэсэг нь улс төрийн бусад нам хүчин, бие даагчид эзэлж байгаа юм. Гэтэл УИХ-ын Байнгын хороодын бүрэлдэхүүнийг авч үзвэл Төрийн байгуулалтын Байнгын хорооны гишүүдийн 63.1, Аюулгүйн байдал, гадаад бодлогын, Байгаль орчин, хүнс, хөдөө аж ахуйн, Төсвийн, Хууль зүй, Эдийн засгийн Байнгын хороонд 52.7, Өргөдлийн Байнгын хороонд 47, Нийгмийн бодлого, боловсрол, соёл, шинжлэх ухааны Байнгын хорооны гишүүдийн 42.1 хувийг АН-ынхан бүрдүүлж буй гэнэ. Өөрөөр хэлбэл, АН нэг Байнгын хорооноос бусдад нь буюу 47-63 хүртэл хувийг дангаараа эзэлж, УИХ дахь олонхи, цөөнхийн зарчмаар ажиллах зохион байгуулалтын үндсэн зарчим гажсан гэж ийн Цэцэд хандсан аж. Байнгын хорооны гишүүдийн бүрэлдэхүүнийг тогтоохдоо нам, эвслийн бүлгийн УИХ дахь суудлын тоо, олонхи, цөөнхийн харьцаа зэргийг харгалзалгүйгээр АН-ын гишүүд гурван Байнгын хороонд, харин МАН-ын бүлгийн гишүүд Улсын Их Хурлын тухай хуулийн 7.1.2-д заасан “Байнгын хороонд заавал харьяалагдаж ажиллах” гэсэн заалтыг хэлбэр төдий хангаж 1-2 Байнгын хороонд харьяалагдаж байгаа нь Үндсэн хуулийн холбогдох заалтуудыг зөрчиж, УИХ-ын гишүүдийн дунд эрх зүйн ялгаварлал бий болголоо гэж өргөдөл гаргагчид хэлж байв. Улмаар энэ нь нэг хэсэг ард түмний төлөөлөл хууль тогтоох үйл ажиллагаанд давуу эрхтэй оролцож байгаа бол нөгөө хэсэг нь хязгаарлагдмал боломж эдэлж буй нь парламентат ёсны мөн чанарыг эвдээд зогсохгүй хууль тогтоох институтын ардчилсан ёсны зарчмаар шийдвэр гарах нөхцөлийг үгүй хийгээд байгааг С.Бямбацогт, Д.Лүндээжанцан нар хэллээ.
0 Сэтгэгдэл
