“Том төрөөс ухаалаг төр рүү” үндэсний анхдугаар зөвлөлдөх уулзалт Монгол Улсын Ерөнхийлөгчийн санаачлагаар боллоо. Энэ удаагийн уулзалтаар Ухаалаг төрийг бий болгохын тулд Эдийн засгаа яаж хөгжүүлэх вэ? Төрөө яаж засах вэ? гэсэн үндсэн хоёр сэдвийг хөндөн ярилцсан юм. Таван салбар хуралдаанд хуваагдан Ерөнхийлөгчийн санал болгосон 10 хуулийн төслийн хүрээнд ярилцан саналаа нэгтгэсэн хуралдаанд төлөөлөгчид тун идэвхтэй оролцсон юм.
Шийдвэр гаргагчид, Бизнес эрхлэгчид, Орон нутгийн удирдлагууд, Хэвлэл мэдээллийнхэн, Эрдэмтэн судлаачид, олон нийтийн байгууллагын төлөөлөл гэсэн таван салбарт хуваагдсан хуралдааны салбар бүрээс гарсан санал зүгнэлтээс харвал Ерөнхийлөгчийн санаачлагыг үндсэндээ дэмжжээ.